الشهر اللى فات نشرت مجلة تين ستاف بورترية من صورى من غير اذنى و بعد القيل و القال و كان فيلم حقوق الملكية الفكرية واللى يقولى انت مش مسجل الصورة فى حقوق الملكية المصرية و اللى يقولى يابنى ماتعرضش صورك على النت واللى يقولى انت مش من حقك تتكلم مادام مش حاطط لوجو للصور طبعا انا اعتبرت الكلام دا كله كلام غير مسئول لانة كان بيحاول يبرر غلط حصل وكان لازم يتصلح وهو ان الصورة اتنشرت من غير اذنى و انا ماكنتش برد على الكلام دا لحد لما اشوف المجلة حتعمل ايه و بعد حملة الايميلات واللى وصلت اكثر من 3000 ايميل للمجلة و دا فى اعتقادى نجاح رهيب للمدونات وهو كمية التفاعل مع الموضوع و بصراحة الرد الرسمى للمجلة كان رد محترفين و هو نشر الصورة تاني و عليها اللوجو تانى و طبعا انا احترمتهم جدا بس كلمة شكرا اللى فى العنوان مش علشان الصورة اتنشرت دى علشان الصور التانيه اللى نشرتها المجلة ليا ^_^ فى صفحة كاملة و مرة تانية احب اقول شكرا تين ستاف فعلا تستحقوا الاحترام و شكلى فعلا حاكون قارئ لمجلتكوا العزيزة وعايز اقول شكرا لكل واحد وقف معايا شكرا لكل واحد بعت ايميل للمجلة فعلا اثبتوا انكم تستطيعوا التغيير
The last month Teen stuff publish my portrait without my permission after i contact the magzeine they publish it gain with my logo and they publish about 6 shoots for me in one page,thanks for everyone send email for them
بعض الصور اللى اتنشرت
19 comments:
مبروك ياأبو حميد
ورُب ضارة نافعة
ومما لاشك فيه ان فريق تين ستاف يستحق كل تحية وتقدير
وقد نشرت تحديثاً في نفس البوست السابق في مدونتي يشير إلى عميق التقدير لما قامت به المجلة
ولهم حقٌ علينا أن ننشر لهم تدوينة كاملة ولولا أني قد نشرت تدوينة بالأمس وتدوينة باليوم لنشرت فورا تدوينة جديدة تشير إلى ماقامت به المجلة ، لذلك فإني مضطر للإنتظار بضعة ايام قبل ان أنشر مايفيد ذلك
أخيراً ياريت تعيد نشر صورة الصفحة بريزوليوشن أعلى من كده شوية عشان يبان فيها جمال الصور وخصوصا غن الصور من فليكر ماعدتش بتظهر تاني هنا في السعودية
حجات كتير قوي بتتنشر بره بتبقا مسروقه من المدونات
بس مجله تين ستف محترمه انها رجعتلك حقك
وبجد تصويرك خرافه
اول مره اشوف البوست و هداوم عليه ان شاء الله
يعني خلاص كدا بقيت مشهور
بس مهاش لزمه موضوع الضرب ده
و الف مبروك
heyyy ... good for ya ..
congratulations on the pics
the BP..bloggers power :)
Note:... that's 2 Memos in here not one
و الله انت محترف يا أحمد او تستاهل كل خير
يااااااااااه يا ابني اخيرا
والله مبروك
واله واتشهرت يا ابو حميد
حطنا تحت جناحك بقي احنا صبيانك
ها واوعي تنسانا لما تبقي مشهور اكتر من كدة
ههههههههه
عارفاك متواضع
بجد انا احترمتك واحترمت المجلة
انا اصلا مسمياك في مدونتي احمد صاحب قضية لاني بيعجبني فيك ايمانك بقضيتك اي كانت
علي الفكرة الكلمتين دول تثبيت عشان مش تنسانا لما تتشهر ها
هههههههههه
hi :) NIce pictures tab3an Ahmed w 2aked men 3`er ma2ol la2en madam 5ado kaza pic. w 7atohom ma3na keda 2enohom to7fa. yarab 3o2bal manshof ur pictures on Teen stuff 3alatool bas men 3`er 5ena2 w 2e3tezarat ;)
مجلة تستحق الاحترام فعلاا
ربنا يوفقك احمد
دي اول زيارة ليا هنا
بجد انت فنان فعلا
صورك جميلة قوي
عجبتني قوي صورة زيدان وهو يحمل الكأس
تسمحلي اخد اي صورة زي ما انا عايز
هههههههههههههها
Funny_Lolo :-
مبروك عليك يا باشا الصفحة الكاملة ليك في تين ستاف ، والله كبرت يا حنفو وبقى يتنشرلك صور في المجلات - ده مش قر ده حسد ^-^ - بس على فكرة اخس عليك اخس بقة مش تذكرني في الحوار الكبير ده وأنا السبب إنك تعرف وتشوف الصورة الأولانية يعني المفروض والطبيعي إنك تذكر أساس الحوار وصاحبة الفضل الكبييييير إنك تعرف إن صورتك اتسيحلها في المجلات بس يا الله آديني سيحت لنفسي وأقريت بفضلي عليك ، ليا النص في الفلوس ماشي ياريت تجهز المبلغ وتحطه في شنطة شيك مش بحب الشيكات مفهوم
;-)
مبروووووك استرداد حقك
اللى عاجبنى اكتر بقة .. انك مقلتش طيب وانا هاعمل اية بس .. وسبت الموضوع
عجبتنى اوى روح المثابرة وا لاصرار اللى جواك وطبعا لان معاك الحق
وعجبنى كمان احترام الناس دول لغيرهم ايا كان مين غيرهم دة
mabrok
ur picture is sooooooooo wonderfull
go on
:-)
احمد
مطالبتك بحقك ومساندة مدونين كتير ليك ومنهم صاحب الكلمة المسموعة شقير كان طبيعى يكون نتيجته ان اسمك كمصور يحُترم ويرتبط بصورك والحق ان المجلة التى تخاف على سمعتها تعترف وتصلح من نفسها
انت فنان تلتقط صور جميلة تستحق النشر والثناء
تحياتى
shokeir
الله يبارك فيك يا ريس
والله يا احمد باشا انا حاولت اصور تانى مش عارف مالى مش عارف اطلعها احسن من كدا
باين عليا اتحولت
على العموم ربنا يكرمك يا احمد باشا و يجعله عامر انشالله
انت عايز تقولى ان السعودية حجبت فليكر
1st memo
فعلا ادارة محترمة و تستحق اننا نحترمها
بس بجد انا عجبنى اكتر ان تصويرى عجبك و فعلا رايكوا مهم عندى جدا
2nd memo
WOW the Bp means the bloggers power i thought it mean another thing hehehehehe ^_^
Thx ;)
ادم
ربنا يكرمك يا باشا
smraa alnil
اتصدقى فرحتنى اوى بالكومنت بتاعك دا
عيب عليكى انا مانساش اصحابى ابدا
بس عدى عليا بعد سنه حبقى اشوف اللى انتى عايزة و انا متواضع فعلا عرفتى منين
احمد صاحب القضية يااااة ودا ليه علاقة بمصطفى بيه كامل
ياااة بعد كل دا يطلع تثبيت
طيب ايه رايك بقى بعد 5 سنين و انا راكب الليموزين حاشوفك راكبه 128 سماوى و معديه من جمبى حطلعلك لسانى و اجرى
Manoon
klamk da ahm mna l klam al meglaa la2nk 3omrk ma7tgmliny we bet2oly ra2ik besr7a we da al mohm walhy ya menna anaa makontsh 3ayzhooom yenshroo ay 7aga bas ahoo tel3o nas 3andhoom zooo2 thx benna for the nice comment
tamer
فعلا انا طبعا معاك فى النقطة دى
daktra
يا باشا ربنا يكرمك دا من زوقك بس
ااه اصلى انا كنت محروق اوى من حوا كاس العالم دا فقررت انى اديه لفرنسا
يا باشا اتفضل خد اللى انت عايزة بس قول انها بتاعتى و حط اللينك معها و لو معملتش كدا حتشوف انا حاعمل ايه
^_^
Funny_Lolo
فاكره اول مرة قلتلى قلتلك ايه لازم ينشروها تانى و تحتيها اسمى و انت شاهدة على كلامى
اذكر ميين يا حلوة بكرة نشوف حتفتكرينا ولا لا و الايام مافيش اكتر منها
فلوس اييه يا بت انتى انا شغلى مايتقدرش بالفلوس انا بحب الدهب
crazyrama
لا انا قررت اقول لا لانى فعلا مش حاينفع اسيب حقى فى حاجة تانى
احترمهم للناس راجع لانهم فعلا محترميين
شكرا على الزيارة الغاليه
ام العيال
thx thx thx
i ll keep this words for ever ^_^
tota
شقير دا عمهم
كلامك فعلا مهم بالنسبه لى جدا و فعلا بيعملى سبوورت جامد جدا
شكرا على الزيارة الغاليه
لا تتصور فرحتى بنجاحك قبل نجاحنا
Congrats! you deserve all the best masha Allah!! and Thanks to Teenstuff as well for their reputable action! :)
الف مبروك ولوناهامتأخر الصور جميييييييييييييييله جدااا بجد يا ابنى انت تحفه
والحمد لله ربنا مبيضيعش حق حد ابدا
فعلا المدونات أصبحت مكان يمكن فيه التعبير عن الرأي بسهولة وهي تمكن الإنسان من التعبير عن رأيه بسهولة ويسر بدون ضغوط أو حذف كما قد يحدث إذا عبرت عن رأيك في أحد الصحف أو المجلات مثلا وموقف إيجابي جدا موقفكم هذا وأنا سعيد بالكتابة علي هذه الصفحة
انا قريت الموضوع عند شقير
وحقيقى انت شخص يستحق كل الاحترام
Post a Comment